Os socialistas de Abadín denunciaron nun comunicado que o Concello, gobernado polo Partido Popular, recibiu unha multa da Confederación Hidrográfica do Miño-Sil, que ascende a 60.000 euros, “polo mal funcionamento da depuradora”.
O portavoz socialista na localidade, Pablo Díaz, tras a última sesión plenaria, na que o Secretario municipal informou dunha nova multa de 60.000 euros “por conduta reiterativa infractora, debido ás numerosas sancións que se lle aplicaron anteriormente e ás que o Concello fixo caso omiso”.
Nesta liña, subliñou que se trata de “unha elevada contía” que “se ten que pagar con diñeiro de todos os veciños”, pola “incompetencia política de todo o goberno do PP de Abadín”. Así, sinalou que o alcalde, José María López Rancaño, “alega que non sabe nada”.
Deste xeito, lembrou que en 2020 o Concello “xa pagou máis de 7.000 euros de multa” polas verteduras do río debido ao mal funcionamento das depuradoras e as fosas sépticas en Abadín e Espiñarcao.
