O Rally San Froilán chega á súa 40 edición este sábado 27 e domingo 28 de outubro pola provincia de Lugo. Contará coa participación de 105 pilotos. Cómpre subliñar a presenza de Víctor Senra, vixente campión de Galicia, e Adrián Díaz, campión do Rally San Froilán o pasado 2017. 

O evento ten un percorrido de 378,35 quilómetros divididos en dúas etapas divididas en cinco seccións. Pasará polos concellos de Outeiro de Rei, Friol, Pol e Meira. 

A proba comezará o sábado ás 8 da mañá.

Segundo a organización, o retorno económico da proba está cifrado en torno ao millón de euros. Segundo a Deputación, uns 40000 espectadores congregaranse para desfrutar do rally.