Unha nova morte, a dunha muller de 93 anos con patoloxías previas ocorrida o luns, día 27, na área sanitaria de Lugo, A Mariña e Monforte de Lemos, sitúa en 4.078 os falecidos con covid en Galicia, que ten 853 casos activos fronte aos 815 notificados o luns.
Así se recolle no último parte da Consellería de Sanidade con datos actualizados ás 18,00 horas do martes e no que se cifra en 141 os pacientes ingresados, deles 139 en planta e dúas en unidades de coidados intensivos. En relación aos casos activos, 172 son da área da Coruña; 111 da de Lugo, 143 da de Ourense; 90 da de Pontevedra; 104 da de Vigo; 158 da de Santiago e 75 á de Ferrol.
Do total de pacientes positivos, dous están en UCI, 139 en unidades de hospitalización e 712 no domicilio. Os casos abertos nas últimas horas sitúanse en 85. Polo de agora, hai un total de 690.176 persoas curadas.
ÁREAS SANITARIAS
Por áreas sanitarias, na da Coruña e Cee hai 31 pacientes ingresados, un en UCI, con 20 novos casos abertos nas últimas horas. Na de Ferrol, son 13 persoas en planta e seis novos casos e na de Lugo, 19 en planta tamén e oito casos novos nas últimas horas.
Na de Ourense son 15 en planta e 12 casos novos mentres que na de Pontevedra son, respectivamente, 15 e sete. Na área de Santiago de Compostela, hai 16 novos casos abertos con 32 persoas ingresadas en planta e un en UCI. Na de Vigo, son 15 hospitalizados, sen ningún en coidados intensivos, e un total de 16 casos abertos.
