InicioCulturaO mural de Xulio César será protagonista dun selo de Correos

O mural de Xulio César será protagonista dun selo de Correos

O artista lucense Diego As mostra a súa sorpresa despois de que Correos anunciara unha tirada de selos cun dos seus murais.

PUBLICADA O

- Advertisement -

O artista urbano lucense Diego As non ocultou este martes a súa “sorpresa” despois de que Correos anunciase que vai emitir unha tirada de selos co mural de Xulio César que elaborou na Rolda da Muralla da cidade de Lugo, que o ano pasado foi recoñecido como o mellor grafiti do mundo.

Neste sentido, Diego As asegurou que a noticia lle supuxo unha “sorpresa enorme, porque era o último que podía esperar, que Corroes se fixara nese mural e o metera nunha edición de arte urbana“. Tamén confesou que se “alegra” pola cidade de Lugo, dado que unha parte da urbe “aparecerá no selo”.

O pintor lucense atópase estes días descansando precisamente alí, despois de traballar en Caravaca de la Cruz, en Murcia, e tamén en Alacante. “Agora nótoo, que necesito unha época para estar tranquilo, de gozar en grao sumo simple e pouco máis”, engadiu.

Atrás quedan outros proxectos exitosos, como o mural sobre o Belén de Begonte ou o debuxo que se atopa na entrada da comandancia da Garda Civil da cidade de Lugo, ademais doutro en Sarria. Diego As avanzou que para este 2023 vai “seleccionar máis e a estar máis tranquilo”. Aínda así, ten en mente tres proxectos para este ano, “dous fora de Galicia e un en Galicia”.

En canto á tirada de selos coa imaxe do Xulio César, dixo que descoñece cantos se editarán, aínda que si puntualizou que se trata de “unha boa tirada”.

ÚLTIMAS

Achado morto ao octoxenario desaparecido en Láncara

Un octoxenario foi achado este sábado sen vida tras levar varias horas desaparecido no...

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...