O deputado nacional do PP por Lugo, Joaquín García Díez, ofreceu este luns cifras sobre o incremento da criminalidade en España, tamén en Galicia e en Lugo, para tratar de desmontar as intencións do Goberno central de abolir a lei de Seguridade Cidadá de 2015, coñecida como ‘lei mordaza’.

García Díez, acompañado do tamén deputado Jaime de Olano, e a candidata ‘popular’ á alcaldía de Lugo, Elena Candia, asegurou, ante a sede da Subdelegación do Goberno en Lugo, que os delitos aumentaron en 2022 “un 22,2% en España”. Así, debullou que “delitos graves de lesións e rifas tumultuarias creceron un 40%; as agresións sexuais completas, un 21%; os roubos con violencia, un 27%; os furtos, un 37%, ou os roubos de vehículos, un 20%”.

INCREMENTO DUN 8% EN LUGO NO 2022

En canto a Galicia, “a media foi dun 17% e en Lugo supera o 8%” o incremento da criminalidade durante 2022. Con estes datos, defendeu que non se modifique a lei.

Doutra banda, o deputado, Jaime de Olano, referiuse a a lei do ‘só si é si‘, e lembrou que “non só o Partido Popular senón máis de 22 informes avisaron das consecuencias que podía ter”.

REBAIXAS CONDENA 

De Olano precisou que “despois de máis de seiscentas rebaixas de condena ou postas en liberdade de violadores e pederastas, ninguén pediu perdón no Goberno, ninguén dimitiu no Goberno de Pedro Sánchez e ninguén foi cesado, o cal demostra a soberbia e o infantilismo non só das persoas que forman parte do Ministerio de Igualdade, senón tamén por parte da presidencia do Goberno”.

O deputado nacional lembrou que “en Lugo son máis de seis as rebaixas de condena, e unha excarceración que creou gran alarma social”. “Falamos do violador do portal e con todo asistimos atónitos como desde o PSOE de Lugo nada se dixo respecto diso”, criticou.