Axentes da Policía Nacional da comisaría provincial de Lugo, encargados da investigación dos delitos relacionados coa propiedade, detiveron durante a mañá deste mércores a un home de mediana idade por estafa e usurpación do estado civil. Segundo informaron fontes policiais, os afectados denunciaron os feitos a pasada semana nas dependencias da Policía Nacional, en Lugo.
Ao home, que tamén está a ser investigado por un presunto uso irregular da vivenda, acúsaselle do uso fraudulento da identidade do titular dunha liña telefónica que modificou, utilizando os datos do propietario, para facer uso de varias plataformas de pago e adquirir un aparello electrónico valorado en máis de 400 euros. Por iso, ao home tamén se lle imputa un delito de estafa.
