A Garda Civil identificou a dous motoristas que foron captados a máis de 210 quilómetros por hora cando circulaban pola autovía A-6 ao seu paso polo termo municipal de Lugo.

Segundo informou este xoves o Insituto Armado, os feitos producíronse na tarde do pasado 9 de xullo á altura do quilómetro 495.100 da autovía, onde a DGT despregaba un control de velocidade.

Ás 19,30 horas, o detector de velocidade saltou ao paso dunha moto que circulaba a 219 quilómetros por hora. Inmediatamente despois pasou outra motocicleta que ía a 210 km/h.

Os pilotos foron identificados e enfróntanse a unha investigación como presuntos autores de senllos delitos contra a seguridade viaria, velocidade excesiva e condución temeraria.

E.P.

+ postsBio ⮌

• E.P.

  Acordo entre Xunta e Clúster da Saúde para reforzar a biotecnoloxía galega até 2027
• E.P.

  Daniel Irimia deixa o PSOE en Cospeito e pasa ao grupo de non adscritos tras reabrirse a súa causa por presunta violencia de xénero
• E.P.

  Ferido grave tras chocar contra un cabalo na autovía A-6 ao seu paso polas Nogais
• E.P.

  Denunciada unha condutora que cuadriplicaba a taxa de alcol e chocou contra outro coche en Lugo