O municipio de Xermade acollerá do 16 ao 18 de setembro o encontro ‘Torneiros da Madeira’, con apoio da Deputación de Lugo, que tamén apoia a celebración os días 15 e 17 de agosto do Festival Internacional de Danza de Monterroso.
No primeiro caso, a institución provincial colabora coa 22 edición deste encontro de ‘torneiros’, “que pon de relevo a importancia do sector da madeira na provincia e a necesidade de darlle valor engadido coa súa transformación”.
Así o apuntaron o deputado de Recursos Sustentables, Roberto Fernández, e o alcalde de Xermade, Roberto García, na presentación deste evento, xunto á directora da Fundación Centro Galego de Artesanía e de Deseño, Elena Fabeiro, e o presidente da Asociación Amigos da Madeira, Alfonso Franco.
Por outra banda, a Deputación de Lugo colabora coa 36 edición do Festival Internacional de Danza, que regresará o 16 e 17 de agosto en Monterreso. A deputada Ana González presentou, xunto á asociación organizadora, Falcatrueiros, esta nova edición que contará con agrupacións de Senegal, Costa Rica e a formación de danza local.
