- Advertisement -
O Concello de Lugo informou de que foi vítima dun ciberataque que comunicou e denunciou ante o Centro Criptolóxico Nacional e a Policía Nacional, que iniciou a correspondente investigación para esclarecer os feitos.
O Consistorio sinala que, por este motivo e para non interferir no labor policial, non pode facilitar máis información sobre o ataque pero descarta que se trate dunha actuación de tipo indiscriminado dirixida por mafias.
“Parece obedecer a un ataque dirixido especificamente contra a institución local xa que foi executado empregando como reclamo datos concretos e moi relacionados coa actividade da administración”, apunta.
