O incendio declarado na mañá deste luns nunha nave de pitos, que se atopaba baleira nese momento, situada no municipio de Friol quedou extinguido.
Segundo informou o 112 Galicia, os Bombeiros de Vilalba consideran finalizada a extinción do lume declarado nunha nave de pitos situada en Madelos, no termo municipal de Friol. As mesmas fontes indicaron que non houbo que lamentar danos persoais e tampouco as aves se viron afectadas. Neste incendio arderon labras espalladas polo chan sen verse afectada a estrutura da nave.
O 112 Galicia tivo constancia do incendio sobre as 8,30 horas a través do propio dono da nave. A partir de aí os xestores de emerxencias activaron un dispositivo de actuación formado polos Bombeiros de Vilalba, a Garda Civil e efectivos de Protección Civil da localidade. Tamén foron informados os servizos sanitarios e o persoal de Medio Ambiente da Xunta e da Confederación Hidrográfica Miño-Sil.
