O municipio lucense de vilalba conta xa cun novo supermercado de grande superficie: trátase do novo Autoservicios Familia, que pasará a estar aberto na Rúa Ciudad de Lugo e contará con máis de 700 metros cadrados. A coñecida cadea, pertencente a Vegalsa, pasa así a contar con 51 tendas en Galicia, alcanzando os 62.000 m2 de sala de vendas.
Segundo destacan dende a empresa, o horario de apertura ao público será de 9:00 a 21:30 horas no inverno e de 9:30 a 22:00 horas no verán. En conxunto, o investimento dirixido a esta superficie comportará asemade a creación de 15 novos postos de traballo das 24 persoas que conformarán o cadro do supermercado –os outros nove son traballadores do anterior establecemento na localidade–.
A empresa destaca asemade a oferta alimenticia do centro, “especializada en frescos”, e destaca ser, de acordo coa OCU, “un dos supermercados con mellor prezo” da competencia a nivel estatal. A construción supuxo un investimento dun millón de euros, contando con aparcamento propio de 51 prazas.
