A Policía Local de Lugo identificou a un individuo que foi retido polo dono dun taller mecánico da capital luguesa despois de subtraer supostamente material.

Segundo informou a Policía Local, ás 16,25 horas deste pasado martes unha patrulla de Policía de Barrio foi enviada a un taller mecánico de cálea Mar Cantábrico onde un individuo tentara subtraer ferramentas.

Unha vez no lugar, os axentes comprobaron que o titular do taller inmobilizara a unha persoa. Manifestou que había ido á parte traseira un momento e, ao regresar, o individuo pediulle uns alicates.

O dono do taller observou que este individuo tiña unha bolsa na entrada do taller onde introducira unha ferramenta da súa propiedade, motivo polo que lle pediu explicacións.

Cando o individuo tentou ausentarse do lugar, o propietario do taller impediullo e requiriu a presenza policial. O suxeito retido recoñeceu a propiedade da bolsa que levaba e do seu contido, aínda que, matizan as mesmas fontes, non soubo explicar a procedencia das ferramentas contidas. Finalmente, por estes feitos a Policía Local instruíu as dilixencias oportunas.