A plataforma ‘Lugo, non perdas o tren’ lamentou este luns que a provincia siga sendo a “Cincenta” en canto a servizos ferroviarios, precisamente o día que entra en servizo a liña de Alta Velocidade entre Madrid e Galicia.

“Xa nos conformariamos con menos de que chegue aquí o AVE”, recoñeceu o presidente da plataforma e da Federación de Asociacións de Veciños, Jesús Vázquez, que insistiu en que os veciños de Lugo e doutras zonas como Ferrol quedan “descolgados” deste tipo de servizos “fundamentais.

Vázquez demandou unhas conexións “sincronizadas cos horarios do AVE a Ourense” e recuperar servizos perdidos durante a pandemia, como a conexión a Barcelona, a País Vasco ou algúns trens con Madrid.

“Estamos a xogarnos o futuro e estámonos xogando o asentar poboación e ter unhas comunicacións dignas, que non é moito pedir en pleno século XXI”, sinalou. Tamén se referiu a que o transporte terrestre “está a comerse todo ese terreo” no tráfico de mercadorías, a pesar de ser “moito máis contaminante”.

Así mesmo, pediu melloras en proximidades, pondo o acento na liña da capital da provincia cara A Coruña, dado que agora é unha “viaxe interminable”. “Son moitas as demandas, e nós imos seguir insistindo desde esta plataforma en que Lugo non pode perder o tren”, resolveu.

Tamén o voceiro do BNG, Rubén Arroxo, quixo demostrar cunha viaxe en tren na liña Lugo-A Coruña as dificultades que existen nas conexións interiores ferroviarias de Galicia, unha viaxe que lle levou o mesmo tempo que o novo AVE.

Máis información en Galicia Confidencial.