Os novos contaxios de Covid-19 aumentan a 40 –once máis que a xornada anterior–, mentres que os casos activos seguen en descenso e sitúanse en 1.096 transcorrida unha semana desde inicio do outono. Os pacientes hospitalizados por este coronavirus baixan a 57 –un menos– e a taxa de positividade mantense por baixo do un por cento na Comunidade galega.
Segundo os datos publicados pola Consellería de Sanidade este mércores con rexistros ata as 18,00 do martes, baixan a 15 as persoas ingresadas en unidades de coidados intensivos –unha menos– e continúan 42 hospitalizadas noutras unidades de hospitalización, mentres que 1.039 pacientes permanecen en seguimento domiciliario.
Por áreas sanitarias, a presión hospitalaria aliviase lixeiramente na de Lugo, onde continúan dous pacientes en críticos e descenden a catro os doutras unidades –tres menos–.
MIL CASOS
Os casos activos de Covid-19 seguen en descenso no conxunto da Comunidade galega e sitúanse nos 1.096, ao haber de novo máis altas (102) que contaxios (40), ao que se suman dúas novas vítimas mortais. As infeccións activas baixaron nas sete áreas sanitarias, 11 na de Lugo que queda con 206 activos.
AUMENTAN OS CONTAXIOS
En canto aos novos contaxios de Covid-19 aumentaron a 40, que implican 11 máis que os 29 rexistrados este martes despois de comezar esta semana con 33. Nas últimas 24 horas, foron confirmados 41 positivos con probas diagnósticas de infección activa –algúns poden corresponder a casos xa existentes–, 11 máis que o día anterior, dos cales seis corresponden á área de Lugo.
