Os datos de evolución da pandemia de Covid feitos públicos este martes pola Consellería de Sanidade reflicten que, por primeira vez desde principios de xullo, os novos contagios diarios rexistrados caen por baixo dos 300, mentres que a taxa de positividade das PCR (o número de positivos por cada 100 probas realizadas) é inferior ao límite do 5 % que marca a OMS para dar por controlada a pandemia.
Así, segundo eses datos (que reflicten información solicitada ata as 18,00 horas do luns), nas últimas 24 horas rexistráronse 269 novos contaxios por Covid en Galicia, fronte aos 305 notificados un día antes. Os novos contaxios descenden en todas as áreas sanitarias, excepto en Ferrol e Santiago, onde non hai cambios, e en Vigo, onde soben lixeiramente. Segundo notificou o Sergas, na última xornada detectáronse 51 na área de Lugo (17 menos).
Os casos activos descenden en todas as áreas, excepto a de Santiago, que experimenta un lixeiro incremento. A área de Lugo ten 1.437 casos (20 menos) e ‘desbanca’ á área viguesa do segundo lugar en número de enfermos.
PRESIÓN HOSPITALARIA
Con respecto á presión hospitalaria, nas últimas horas non se rexistraron cambios significativos no que respecta ás unidades de coidados intensivos (UCI), onde están ingresadas 55 persoas con Covid (unha máis que o día anterior). No entanto, os pacientes en unidades convencionais de hospitalización baixaron de 201 a 169. Na área de Lugo hai 4 pacientes (sen cambios).
