A Garda Civil localizou a un menor que ía en bicicleta e perdeuse no Camiño de Santiago ao seu paso polo termo municipal de Monterroso.
Segundo relatou o Instituto Armado, os feitos tiveron lugar na mañá do pasado día 27, na cal se presentaron os pais dun menor na Oficina móbil de atención ao peregrino, que se atopaba en Vendas de Narón, en Portomarín, para comunicar que estaban a realizar o Camiño de Santiago e non localizaban ao seu fillo menor de idade.
Os pais facían o camiño a pé e o seu fillo ía en bicicleta e, ás veces, adiantábase “un pouco”, indicaron as mesmas fontes, e volvía xunto a eles, pero perdérono de vista no cruzamento do camiño coa estrada N-640 e a N-540, e non sabían a dirección que puido tomar.
Dada “a urxencia da situación”, sinala a Benemérita, activouse un protocolo de procura, no que se percorreron “todos os camiños posibles polos cales podía ir o menor”, apuntan as mesmas fontes, que foi localizado nas inmediacións do lugar de Ligonde, en Monterroso, “moi asustando pero en perfecto estado de saúde”, abundan.
A Garda Civil destacou “a rapidez da actuación dos axentes”, xa que “nun breve espazo de tempo”, subliña, o menor foi localizado.
