A Policía Local de Lugo tramitou outro tres actas de denuncia por infracción á Lei de Saúde de Galicia no marco da pandemia pola Covid-19 por carecer de rexistro de clientes, ter o medidor de dióxido de carbono sen funcionar por avaría e quebrantar o horario de peche.

Así o informou este corpo de seguridade, que explicou, ademais, que na noite do 5 ao 6 de xullo realizou tamén unha inspección a un local de hostalaría da Avenida de Madrid.

Neste caso, realizou acta de denuncia por infracción á normativa reguladora de espectáculos públicos e actividades recreativas ao ter instalado un televisor na terraza e exercer a actividade coas portas abertas. A Policía Local destacou que ao ter as portas abertas transmitía “altos niveis de ruídos” ao exterior, o que causaba molestias aos veciños, puntualizou.