Unha persoa tivo que ser excarcerada este sábado polos bombeiros tras resultar ferida nunha saída de vía do vehículo no que viaxaba en Lugo.
Segundo informa o 112 Galicia, ocorreu sobre as 21,00 horas da noite, cando varios particulares informaban á central de emerxencias deste accidente ocorrido na A-6, á altura de Muxa, antes da saída de O Ceao.
De acordo co relato dos alertantes, o condutor estaba fóra do coche, pero a porta do acompañante presentaba dificultades para abrir.
Deste xeito, o 112 pasou o aviso a Urxencias Sanitarias-061 e puxo os feitos en coñecemento dos bombeiros, que se desprazaron ata o punto para excarcerar á persoa. Tamén foron informados os axentes de Tráfico, da Policía Local e de Protección Civil de Lugo.
