Os máis pequenos da provincia de Lugo sacan lapis, papel e as súas mellores dotes para retratar a música tradicional galega a toda cor. Esa viría sendo a premisa do certame de debuxo organizado nas pasadas semanas pola Tradescola de Lugo, unha plataforma educativa fundada e sostida pola Asociación de Gaiteiras Galegas.
O obxectivo do certame, que vai xa pola súa VIII non era outro que difundir o gusto e interese pola música tradicional galega entre os rapaces da provincia que se implicaron no concurso. En total, e segundo apuntan dende a organización, á proba concorreron máis de 200 ilustracións realizadas polos nenos e nenas de primeiro, segundo e terceiro curso de primaria dos centros de ensino da Provincia de Lugo.
Os organizadores destacan as particulares “dotes artísticas” dos participantes e, en particular, dos dez finalistas, que o pasado mércores foron galardoados con diversos agasallos no lucense Pazo de San Marcos. Entre estes, o debuxo gañador do VIII Certame foi Leire Seivane, o CEIP O Cantel de Foz, que agora poderá acceder de balde ás aulas do centro.
