InicioSociedadeSoben os hospitalizados por Covid na provincia de Lugo

Soben os hospitalizados por Covid na provincia de Lugo

Baixan en dous os casos activos.

PUBLICADA O

- Advertisement -

A presión hospitalaria que deixa a pandemia da covid-19 en Galicia volveu a subir nas últimas horas ata os 48 ingresados en total, seis máis, mentres que tamén ascenderon os casos activos por coronavirus ata os 1.451, 48 máis. Os contaxios detectados nun só día por calquera tipo de proba baixaron ata os 126. A pesar do descenso, mantéñense por encima do centenar debido, principalmente, aos brotes vinculados ás viaxes estudantís a Mallorca, que deixan polo menos 70 infeccións en Galicia

Así se extrae dos datos publicados na mañá deste domingo pola Consellería de Sanidade con rexistros ata as 18,00 horas deste sábado, recollidos por Europa Press. Por áreas sanitarias, a cifra global de hospitalizados subiu en tres delas, entre elas, a de Lugo-A Mariña-Monforte, con cinco (+1), un deles crítico.

MENOS CASOS ACTIVOS

En canto aos casos activos de covid-19, crecen por cuarta xornada consecutiva a 1.451 en Galicia, que implican 38 máis que o día anterior, ao rexistrarse de novo máis contaxios que altas en 24 horas. Iso si, mantéñense en niveis de mediados de agosto do ano pasado.

Por áreas sanitarias, o ascenso replicouse en cinco das sete que hai en Galicia. De novo, onde máis subiron os pacientes covid é na de Pontevedra-O Salnés, a máis castigada polos brotes ligados ás viaxes a Mallorca, que suma 207 casos activos, 31 máis nun día. Con todo, baixaron na de Lugo-A Mariña-Monforte, a 189 (-2).

NOVOS CONTAXIOS

Pola súa banda, os novos contaxios de covid-19 detectados con calquera tipo de proba descenderon ata os 126 tras os 136 notificados por Sanidade o sábado e os 154 do venres. De todos os 126 novos casos, a de Lugo-A Mariña-Monforte tivo 16 máis.

ÚLTIMAS

Catro investigados por unha concentración ilegal con 200 vehículos e unhas 400 persoas reunidas en Lugo

A Garda Civil investiga a catro persoas vinculadas cunha multitudinaria concentración ilegal de vehículos que tivo lugar en...

O Gran Premio de España de Motocrós traerá a Lugo aos mellores pilotos do mundo por segundo ano consecutivo

O conselleiro de Presidencia, Xustiza e Deportes, Diego Calvo, participou este xoves na presentación do...

O TSXG confirma 10 anos de cárcere a un home que violou a unha moza de 14 anos en Lugo, pero triplica a indemnización

A Sala do Civil e Penal do TSXG confirmou a sentenza da sección segunda...

José Tomé defende que “o futuro está na terra” nun foro sobre enxeñería forestar e agraria

"O futuro está na terra", así comezou a súa intervención o presidente da Deputación...