O concello de Lugo estrea este verán moitas novidades en asuntos de mobilidade urbana (peonalizacións, carril-bici, novas liñas de autobuses urbanos) e tamén no eido cultural e turístico. O ciclo de visitas #PaseArte organizadas pola concelleira de Cultura, Turismo e Promoción da Lingua, e guiado polo guía oficial de Turismo de Galicia Guido Álvarez, son un dos grandes reclamos e novidades.
O pasado venres tivo lugar o primeiro dos paseos guiados, a pé, e o cupo de 20 persoas (polos aforos permitidos de momento) cubriuse con moitos lucenses, e tamén visitantes de León, Senegal e Mali.
O vindeiro mércores terá lugar o primeiro paseo guiado en bicicleta, unha gran novidade para o turismo de Lugo “apostando por unha mobilidade sostible e saudable”, segundo afirmou a concelleira Maite Ferreiro.
Para inscribirse as posibilidades son dúas: acudindo directamente á Oficina Municipal de Turismo, ou ben chamando por teléfono ao 982251658
