O comité de empresa de Alcoa anunciou, despois da reunión que mantivo este venres coa dirección da multinacional para analizar a carta remitida á compañía polo Ministerio de Industria, o inicio inminente dun calendario de mobilizacións, para conseguir “que os políticos se mollen”.
Nese sentido, en declaracións aos medios de comunicación, o presidente do comité, José Antonio Zan, aclarou que os traballadores piden a participación da SEPI “porque é a garantía, o que realmente lle dá certeza a esta operación”. En todo caso, lembrou que a participación da SEPI é “unha decisión política”, polo que os traballadores están dispostos a “ir a todos os sitios que teñan que ir para que digan o que teñan que dicir” e cumpran cos acordos aprobados tanto no Congreso dos Deputados como no Parlamento de Galicia.
“Non podemos permitir que nos pase como aos compañeiros da Coruña e Avilés“, dixo Zan, quen insiste en que a SEPI ten que facer a operación, aínda que Alcoa debe empezar negociar co único comprador que hai neste momento, que é o grupo Liberty”, dixo.
CERTEZA
“Os políticos teñen que dar certdzx e non botar máis barro a algo que xa está suficientemente enfangado”, dixo Zan, quen tamén considera que calquera negociación debe desenvolverse cos plans industriais e enerxéticos sobre a mesa.
En canto ás mobilizacións, asegurou que serán convocadas dunha forma “intelixente” e pediulle á comarca da Mariña que se some a elas para demostrar “a súa forza”. “Temos que demostrar que temos esa forza, porque se non van pasar de nós“, lamentou. A próxima reunión do comité con Alcoa está prevista para o martes, día 18 de maio, e o comité espera que a multinacional se pronuncie e “diga si ou non” ao acordo de venda.
Please wait while you are redirected...or Click Here if you do not want to wait.
