Un mozo de nacionalidade colombiana acusado de agredir sexualmente a unha menor nun garaxe de Lugo o día de Ano Novo de 2020, aceptou unha pena de catro anos de prisión. Desta forma, ve rebaixada a pena que requirían inicialmente a Fiscalía e a acusación particular de nove anos a menos da metade. Ademais, non poderá aproximarse a menos de 100 metros da menor durante os próximos 10 anos e deberá abonar unha indemnización de 9.000 euros.
O acordo entre as partes tamén contempla que unha vez cumprida a metade da condena, dous anos –dos que xa leva máis dun na prisión de Bonxe–, será expulsado do país e non poderá regresar a España nun prazo de 5 anos.
O xuízo quedou visto para sentenza na sección segunda da Audiencia Provincial de Lugo, por uns feitos que ocorreron sobre as 5,30 horas do 1 de xaneiro de 2020, cando o procesado, “aproveitándose do estado de intoxicación etílica e submisión química no que se atopaba a menor”, á que se topou na vía pública nas inmediacións da Praza Maior de Lugo dirixiuna a un garaxe apartado.
O home, que recoñeceu os feitos, “agarrouna polo pescozo” e “tapoulle a boca” situándose encima dela “mentres lle quitaba a roupa e pegáballe na cara”. Ademais, comezou a “tocarlle os peitos e a vagina” e a “tentar penetrala vaxinalmente”, aínda que non logrou este último propósito.
Nese momento, foi sorprendido por un viandante que escoitou gritar á menor, que sufriu lesións a consecuencia dos feitos. Ao día seguinte o home foi detido e ese mesmo día acordouse o seu ingreso en prisión provisional.
A avogada do procesado, Fernanda López, explicou que unha vez que cumpra a metade da condena, deses catro anos, substituirase ” por expulsión” do país o resto de pena. A letrada aclarou que se trataba dunha “conformidade” e que a expulsión suporá que ten que volver ao seu país de orixe, Colombia, “e non pode volver entrar en territorio español en cinco anos”.
