InicioPolíticaMéndez e Miñones abordan proxectos e infraestruturas estratéxicas para Lugo como a...

Méndez e Miñones abordan proxectos e infraestruturas estratéxicas para Lugo como a autovía A-54 e a rede ferroviaria

Primeira toma de contacto entre a alcaldesa e o delegado do Goberno, ambos os do PSOE

PUBLICADA O

- Advertisement -

A alcaldesa de Lugo, Lara Méndez, e o delegado do Goberno, José Miñones, abordaron proxectos e infraestruturas estratéxicas para a cidade da Muralla, nunha primeira toma de contacto este mércores.

“Nesta primeira visita o que se persegue é unha toma de contacto, trasladarlle os proxectos que estamos a desenvolver na nosa cidade, que necesidades, que inquietudes e visións que temos de futuro que coinciden coas directrices que se están expondo desde o propio Goberno do estado, no eixo da transición ecolóxica, da sustentabilidade, para que coñeza de primeira man os nosos proxectos”, apuntou Méndez.

Igualmente, non dubidou en pór o acento en que se seguirán “reivindicando esas infraestruturas tan necesarias para conectar coa comunidade autónoma e coa meseta, infraestruturas viarias e ferroviarias”.

“Temos que agradecer o esforzo que está a facer o Goberno na posta en marcha e a aposta real para que esas infraestruturas vaian a termo, no impulso da autovía A-54, no impulso da rede ferroviaria, na electrificación. Eu sempre digo que unha vez superada unha dificultade xérase outra”, concluía a alcaldesa, que lle fixo entrega ao delegado dun pin e un libro sobre a muralla romana de Lugo.

ALCOA

Pola súa banda, Miñones, tras referirse a a problemática de Alcoa en Santiago, reiterou en Lugo que “nunca un goberno apoiou tanto como está a facer agora” a esta factoría “e a toda a industria electrointensiva, como se acaba de demostrar onte no Consello de Ministros coa aprobación de 91 millóns de euros para seguir apostando polo sector”.

En canto a unha posible “intervención”, insistiu en que “non é a SEPI a función que ten de facer esa intervención”, senón que “está para pivotar precisamente axudas no proceso de venda”. “Neste caso é Alcoa a que ten que seguir nese compromiso e que sexa real, que é o que se pediu desde o primeiro momento”, finalizou.

ÚLTIMAS

CCOO denuncia a situación da xestión do persoal no Concello de Lugo con cartas a Sánchez, Díaz e Pontón

A Sección Sindical de CCOO no Concello de Lugo presentou este mércores na Subdelegación...

Lugo adxudica o proxecto da pasarela do Carril das Flores

A Xunta de Goberno Local do Concello de Lugo adxudicou este mércores o proxecto...

Investigan a morte da muller arremetida por unha vaca no San Froilán

O falecemento dunha muller tras ser arroiada por unha vaca durante o desfile de...

Lugo recibirá 15 menores migrantes da cota distribuída polo Goberno

A cidade de Lugo acollerá a un grupo de 15 menores migrantes da cota...