- Advertisement -
O Servizo Galego de Saúde (Sergas) realizará na mañá deste sábado 17 de abril un cribado con probas PCR a unhas 400 persoas do concello de Meira con idades comprendidas entre os 20 e os 70 anos.
As persoas citadas xa recibiron un SMS coa hora aproximada na que se lles tomará a mostra no polideportivo municipal. O Sergas lembra que este tipo de cribados efectúanse sobre poboación asintomática para detectar posibles positivos ocultos e cortar así a transmisión do virus.
O municipio de Meira subiu ao nivel medio de restricións na última reunión do comité clínico que asesora a Xunta na xestión da pandemia. Segundo información ofrecida polo Sergas, a incidencia acumulada a 14 días é superior a 250 casos por 100.000 habitantes.
