A dimisión de Miguel Couto como concelleiro de Urbanismo de Lugo deu pé a profundos cambios no organigrama da corporación local, ameazada pola sombra dunha crise de goberno. A alcaldesa da cidade, Lara Méndez, anunciou está mañá en rolda de prensa a nova estrutura, na que Álvaro Santos deixará de ser edil de medio ambiente para ocuparse da concellería de Sostibilidade Urbana e do relativo á Empresa Municipal de Vivenda e Solo (Evislusa).

Neste baile de cargos incorpórase unha nova cara. É a de Silvia Alonso Pérez, doutora universitaria que asumirá a área de Igualdade e Muller, ata o momento xestionada por Ana González Abelleira. Así, Abelleira pasa a Desenvolvemento Local e Emprego, concellería antes defendida por Mauricio Repetto, que queda nesa área pero á fronte de Xuventude e Deporte.

Por último, Miguel Fernández será quen encabece Cohesión Territorial, que aglutina Medio Rural e Medio Ambiente.

Todas estas modificacións serán efectivas a partir da vindeira semana.