O incendio forestal declarado na tarde deste pasado mércores no municipio de Navia de Suarna quedou extinguido na madrugada deste xoves tras queimar unhas 18,5 hectáreas.

Segundo informou a Consellería do Medio Rural, o lume comezou ás 16,16 horas deste pasado mércores na parroquia de Queizán e quedou extinguido ás 2,20 horas deste xoves. As últimas estimacións apuntadas por Medio Rural sitúan a superficie afectada en 18,5 hectáreas, delas 16 de monte raso e 2,5 de arboledo.

Na extinción deste incendio participaron un técnico, catro axentes, nove brigadas, catro motobombas e catro helicópteros.