Os pacientes ingresados nos hospitais galegos por covid-19 aumentaron este venres ata os 212 –9 máis–, dos que 30 permanecen en UCI –dous máis– e 182 noutras unidades. O incremento de hospitalizados prodúcese nunha xornada na que ascenden lixeiramente os novos casos detectados, ata os 154, segundo os datos actualizados na mañá deste venres pola Consellería de Sanidade.
Na áea de Lugo hai dous pacientes en UCI –sen cambios– e 11 noutras unidades –un máis–.
MENOS CASOS ACTIVOS
De acordo con estes datos, os casos activos en Galicia sitúanse en 2.306, 34 menos que un día antes. En canto ás áreas sanitarias, con estes publicados este venres pola Consellería de Sanidade coas cifras actualizadas ás 18,00 horas do día 1, Lugo é a quinta área sanitaria en casos activos, con 162, ao descender en sete.
NOVOS CONTAXIOS
Con todo, dos novos contaxios, 139 foron positivos confirmados por PCR nas últimas 24 horas, dos que 14 son da área Lugo.
No relativo á taxa de positividad mantense nun 1,9%, de forma que continua por baixo do 5% que a Organización Mundial da Saúde (OMS) sinala para dar por controlada a pandemia.
