Os casos activos de Covid-19 rexistraron un descenso en Galicia, ata os 2.340, mentres repuntan os novos contaxios, 138 máis que a xornada anterior, segundo os datos actualizados na mañá deste xoves pola Consellería de Sanidade. Por outra banda, aumentan lixeiramente os pacientes ingresados, un total de 199, dos que 28 están en UCI –dous menos– e 171 noutras unidades, catro máis.
Segundo os datos actualizados este xoves, os casos activos de Covid en Galicia descenden lixeiramente, ao pasar de 2.354 a 2.340 –14 menos–, cun incremento dos curados (152 máis), aínda que tamén cun aumento dos contaxios (138 máis). En canto ás áreas sanitarias, Lugo ten 169 casos activos e hai dous pacientes en UCI –sen cambios– e 10 noutras unidades –tamén sen cambios–.
NOVOS CONTAXIOS
Dos novos contaxios, 120 foron positivos confirmados por PCR nas últimas 24 horas, dos que nove corresponden a área de Lugo.
BAIXA A TAXA DE POSITIVIDADE
No relativo á taxa de positividade baixou a un 1,5 tras haber repuntado a un 3 por cento polo que segue por baixo do 5% que a Organización Mundial da Saúde (OMS) sinala para dar por controlada a pandemia.
