A área sanitaria de Lugo rexistra este luns 22 de marzo un total de 193 casos activos de coronavirus, cinco menos ca os notificados onte polo Sergas. Nas últimas 24 horas só se confirmou un positivo novo mediante PCR.
Mellora tamén aos poucos a situación nos hospitais, onde permanecen ingresadas 14 persoas co virus. Delas, 11 están en planta (9 no Hula e 2 na Mariña) e outras 3 na Uci. O Hospital de Monforte queda libre de pacientes con Covid-19.
Dende o inicio da pandemia, o Sergas informou de 211 falecementos na provincia, 11.548 persoas curadas e 200.552 probas PCR realizadas.
GALICIA
Á súa vez, Galiica comeza esta semana cunha lixeira baixada dos pacientes Covid hospitalizados, que se sitúan en 264, dous menos que a xornada anterior, mentres que os casos activos descenden a 2.481, polo que se manteñen en cifras similares ás de agosto. Podes ler a información completa no Galicia Confidencial.
