O último balance do Sergas revela un lixeiro aumento de casos activos por coronavirus na área sanitaria de Lugo. Fronte aos 203 notificados onte, hoxe a provincia conta 205 pacientes con infección activa. Porén, o número de novos positivos diagnosticados nas últimas 24 horas continúa sendo baixo: tan só sete casos detectados.
Poucos cambios na situación hospitalaria, que se manteñen con 25 persoas ingresadas por Covid-19. Delas, 19 están en planta (11 na do Hula, 3 na do Hospital da Mariña, 4 en Monforte e 1 no Polusa), mentres que outros seis permanecen nas unidades de críticos do Hospital Universitario Lucus Augusti.
Dende o inicio da pandemia, faleceron 210 persoas na área sanitaria lucense, curáronse 11.467 e realizáronse 197.118 probas PCR.
GALICIA
No ámbito autonómico, diminúen os pacientes con coronavirus (313, o que supón 12 menos ca na xornada anterior). No entanto, subiron os casos activos ata os 2.685 (+3) despois de mes e medio de tendencia descendente. Podes ler a información completa no Galicia Confidencial.
