A última actualización de datos do Sergas revela unha tendencia favorable da pandemia en Lugo, cun forte descenso de casos activos por coronavirus e un baixo ritmo de contaxios detectados. En concreto, este mércores 10 de marzo rexístranse 244 pacientes con infección activa na área sanitaria (38 menos ca na xornada anterior) e tan só se confirmaron seis novos positivos.
Tamén continúa mellorando a presión asistencial: os hospitais da provincia contan hoxe 26 ingresos (-2). Deles, 20 están en planta (13 no Hula, 2 na Mariña, 5 en Monforte) e os outros 6 na UCI do Hospital Universitario Lucus Augusti.
Dende o inicio da pandemia, faleceron en Lugo 210 persoas que foran diagnosticadas por coronavirus, curáronse 11.349 e realizáronse 192.697 probas PCR.
GALICIA
A nivel galego, a Covid-19 volve a niveis do mes de agosto ao rexistrarse pouco máis de 3.000 casos activos. A positividade segue en valores baixos, aínda que o número de novos contaxios comeza a medrar. Podes ler a información completa no Galicia Confidencial.
