A morte doutras sete persoas que foran diagnosticadas coa covid-19, cinco homes e dúas mulleres con idades comprendidas entre os 62 e os 98 anos, elevan as vítimas da pandemia en Galicia a 2.220.

Dos falecementos comunicados este venres pola Consellería de Sanidade, só un tivo lugar este venres. Trátase dunha muller de 89 anos que faleceu no Complexo Hospitalario Universitario de Ferrol (CHUF).

Pola súa banda, seis correspóndense coa xornada do xoves, día 25 de febreiro. En concreto, Sanidade informa da morte de dous homes de 87 e 98 anos e dunha muller de 76 que faleceron no Complexo Hospitalario Universitario da Coruña (CHUAC).

Ademais, un home de 72 anos perdeu a vida no CHUF, un home de 70 no Complexo Hospitalario Universitario de Vigo (CHUVI), e outro de 62 no Hospital Universitario Lucus Augusti (HULA). Segundo os datos da Consellería de Sanidade, todos eles presentaban patoloxías previas.

Redacción

+ postsBio ⮌

• Redacción

  Confirmado por ADN que os restos achados en Abadín son de Enrique Bolívar, desaparecido desde 2023
• Redacción

  Xornadas Feministas=Igualdade reivindican o liderado das mulleres na súa inauguración
• Redacción

  O PP reunirase a semana que vén con Vilalba Aberta e BNG para buscar “un goberno alternativo”
• Redacción

  O PP de Lugo non participará nos actos de feminismo e humor “mentres PSOE e BNG sigan branqueando a José Tomé”