A área sanitaria de Lugo rexistra este martes 26 de xaneiro un total de 1.798 casos activos de coronavirus, 67 máis ca os contabilizados onte. O Servizo Galego de Saúde (Sergas) informou de que se confirmaron 91 positivos novos a través de PCR nas últimas 24 horas. É unha cifra inferior a dos últimos días, nas que se superaba sobradamente o centenar de contaxios detectados.
Os hospitais seguen a sufrir as consecuencias da suba de incidencia. Na xornada de hoxe cóntanse 72 persoas ingresadas por Covid-19 (+6), das cales quince están a ser atendidas en unidades de críticos. O HULA ten 29 pacientes en planta e 14 na UCI; o da Mariña 19 en planta e 1 na UCI; o de Monforte, oito; e o Polusa, 1.
Así mesmo, á última hora da tarde de onte Sanidade comunicou o falecemento doutras dúas persoas na provincia de Lugo, polo que o total de vítimas mortais dende o inicio da pandemia sitúase nas 162. Dende marzo do ano pasado curáronse 7.501 persoas e fixéronse 151.191 PCR (1.177 delas onte).
MÁIS DE 20.000 CASOS ACTIVOS EN GALICIA
Galicia superou a barreira dos 20.000 casos activos de Covid-19 desde o inicio da pandemia ao rexistrar 20.481 e rexistra un aumento da presión asistencial ao sumar outros 47 ingresados con este virus, o que sitúan os hospitalizados en 1.201. Podes ler máis información no Galicia Confidencial.
