InicioSociedadeA provincia anota máis de cen casos novos de coronavirus nun día

A provincia anota máis de cen casos novos de coronavirus nun día

Galicia rexistra un pico de contaxios detectados e preocupa a velocidade á que aumenta a presión asistencial, con 132 enfermos nas UCI.

PUBLICADA O

- Advertisement -

A área sanitaria de Lugo-A Mariña-Monforte rexistrou un aumento de máis dun centenar de casos novos confirmados por PCR. Nas últimas 24 horas detectáronse 104 positivos de coronavirus. Ao tempo, tamén soben os casos activos, que agora se sitúan nos 1.273, 63 máis ca os que notificaba onte o Sergas.

Non obstante, a situación nos hospitais non varía moito: redúcese o número total de ingresos relacionados coa Covid-19 (dos 46 de onte aos 45 de hoxe), pero hai un paciente máis na UCI. En concreto, o HULA atende 16 doentes en planta e oito na UCI; o Hospital da Mariña, 19; e o de Monforte, 2.

Ademais, a cifra de vítimas mortais da pandemia en Lugo ascende ás 157 logo de que o Sergas comunicara na tarde de onte outros seis falecementos. No histórico da provincia documéntanse 7.138 persoas curadas e 143.195 PCR (das cales 1.203 probas se realizaron onte, case o dobre ca un día antes).

GALICIA: PICO DE CONTAXIOS

Para o conxunto da comunidade galega a situación non mellora ao volver baterse récord de casos diarios (1.372) nunha xornada na que tamén experimentou o maior incremento da incidencia acumulada (900), para deixar a cifra de positivos activos en 14.975.

O dato máis preocupante, tal e como recoñeceu onte o conselleiro de Sanidade, Julio García Comesaña, é a velocidade á que aumenta a presión asistencial, especialmente nas unidades de críticos, que agora atenden 132 persoas (+18). Hai outros 696 en planta (32 máis).

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...