EFE | O Boletín Oficial do Estado (BOE) publicou este mércores o Real Decreto do Ministerio de Xustiza polo que se nomea fiscal xefe da Fiscalía Provincial de Lugo a Roberto Brezmes para os próximos cinco anos, cargo que xa viña desempeñando desde 2015.
En declaracións a EFE, Roberto Brezmes recoñeceu que recibe este nomeamento “con moita ilusión” e con “ánimo” para afrontar os novos retos que se lle presentan ao ministerio público nesta provincia.
Referiuse, por exemplo, a necesidade da dixitalización para “a modernización definitiva da Xustiza, en procura do expediente xudicial electrónico”, un camiño que xa iniciou a Fiscalía de Lugo. Así mesmo, tamén citou “a asunción definitiva da instrución por parte dos fiscais, nese proxecto de lei esperanzador que existe nese momento”.
“Eu pretendo simplemente que a Fiscalía continúe con ese labor extraordinario que os fiscais desenvolveron en defensa da legalidade, dos dereitos dos cidadáns e do interese público”, sinalo, ademais de “continuar con ese achegamento á sociedade á que servimos”.
