Guido Guía vén de anunciar unha novidade no seu proxecto de paseos guiados por Lugo. Canda o novo ano, comeza tamén a serie #BarriosLucenses, que estará protagonizada por veciñas e veciños de distintos lugares da cidade.

O primeiro dos paseos será polo barrio de Castelo o vindeiro domingo 17 de xaneiro. Fina Amoroso será a convidada especial que acompañará ao guía de turismo Guido Álvarez Parga nesta andaina. As persoas interesadas en participar na actividade poderanse informar ou inscribir a través do correo guidoguiaturismo@gmail.com.