InicioSociedadePepita, unha lucense emigrada, a primeira en vacinarse en Asturias

Pepita, unha lucense emigrada, a primeira en vacinarse en Asturias

Di terlle "moito medo" ao virus e cre que "a cousa debeu desmadrarse moito estas festas".

PUBLICADA O

- Advertisement -

Unha muller de 80 anos chamada Eulalia Josefa Paleo, coñecida como ‘Pepita’ e nada en Lugo, foi a primeira muller que recibiu a vacina de Pfizer en Asturias contra o novo coronavirus. Foi na Residencia Mixta de Xixón, onde leva 12 anos vivindo. ‘Pepita’, nunha retransmisión no perfil do Goberno asturiano en Facebook, animou á poboación a vacinarse “polo ben de todos”.

As primeiras vacinas chegaron á residencia de maiores de Xixón ás 9.30 horas. Ás 10.25 administráronse as primeiras vacinas. Xunto a ‘Pepita’, outro tres residentes e unha traballadora.

Nada na provincia de Lugo, ‘Pepitaa’, que se trasladou moi nova a Xixón e viviu no barrio da Calzada, confesou que lle ten “terror” ao COVID-19. Non ten familia e unha das cousas que máis desexa é volver dar longos paseos.

Mostrouse escéptica ante unha posible baixada da incidencia da enfermidade nos comezos de 2021 porque, ao seu xuízo, “a cousa debeu desmadrarse moito estas festas”. Segundo dixo, hai xente que fai ben as cousas, pero outro non. “Asturias sempre foi a mellor ata a segunda onda, era exemplo para toda España e fóra de España”, comentou.

Na citada retransmisión tamén estiveron a técnico sociosanitaria Socorro Mancebo e a enfermeira Lara Menéndez. Mancebo apuntou que vacinarse é a mellor solución para evitar confinamentos, peches totais ou a “desolación”.

+ posts

ÚLTIMAS

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...