Axentes da Garda Civil detiveron a tres veciños de Lugo, de 21, 24 e 48 anos de idade, como supostos autores dun delito de roubo con forza nas cousas.

Os feitos tiveron lugar o pasado mes de outubro, cando os presuntos autores sustraeron diversa maquinaria e material do interior dun taller do concello de Castro de Rei.

A raíz diso, iniciouse unha investigación policial que dá como resultado a detención e posta a disposición xudicial dos tres homes.