O relato que compartiu en Twitter unha estudante do Bierzo fíxose viral ao denunciar publicamente as carencias e complicacións ás que se teñen que enfrontar na súa aldea cada vez que cae unha nevarada. A moza elevou a voz para criticar a “marxinación” á que as administracións públicas someten “a todas as aldeas case despoboadas”, unha situación que se agrava coas inclemencias meteorolóxicas.
Aínda que as fotos de paisaxes completamente brancas quedan ben bonitas, non é tanto así para quen sofre as consecuencias nas súas carnes. “Xa dende moi cativa comprendín dende as caras de meus pais que a neve era un problema”, escribe esta rapaza de Suárbol (Candín – León).
INCOMUNICADOS
Mesma opinión deben ter as decenas de familias de Baleira, Castroverde ou O Courel, que encadearon varios días sen subministro eléctrico esta fin de semana tras a chegada da borrasca Dora. “Cando nevaba podiamos estar sen ir a clases durante dúas semanas ou un mes, e non había a tecnoloxía e os medios como agora”, lembra.
“Recordo unha vez que meu pai, despois de levarme ao hospital, tivo que levarme ás costas baixando o porto dos Ancares cunha acumulación de neve de medio metro de altura”, prosegue, para axiña denunciar que “os funcionarios do concello de Candín non fixeron nunca nada por vir limpar as estradas”.
“SER PARTE DA PROVINCIA DE LUGO”
O relato continúa na mesma liña acusatoria para recriminar especialmente o abandono das administracións leonesas respecto das aldeas con poucos habitantes. Ademais, a estudante (@mvlberries en Twitter) rompe unha lanza a favor de Lugo e da anexión do Bierzo a territorio galego: “Case todos os servizos veñen de Lugo, así que aí vai tamén unha petición. Xa fomos parte de Galicia séculos atrás. Pedimos ser parte agora da provincia de Lugo, porque se preocupan de nós máis que a Deputación de León“.
O FÍO DE TWITTER
Xa dende moi cativa comprendín dende as caras de meu pais que a neve era un problema. Meu pai sempre se anticipaba e gardaba as vacas antes da nevarada, e ía pola leña para o inverno co meu tío, q ahí case comeza a finais de Outubro e facía compra ademais dos embutidos da casa.+
— Cuwumelo🔻🐙 🌌✊🏿 #BTLM (@mvlberries) December 5, 2020
Ás costas baixando polo porto de ancares. A deputación de León dálles igual parece ser as condicións nas q vivimos. Por iso é importante q nos teñan en conta non somos os únicos con este problema.
— Cuwumelo🔻🐙 🌌✊🏿 #BTLM (@mvlberries) December 6, 2020
Foi meu pai e meu tío q tardaron o seu grazas a dous tractores para ir apartando os cachos de árbore da estrada e estes personaxes nin sequera deron a cara nin chamaron por se había accidentados ou estragos+
— Cuwumelo🔻🐙 🌌✊🏿 #BTLM (@mvlberries) December 5, 2020
Case todos os servizos veñen de Lugo, así q ahí tamén vai unha petición. Xa fumos parte de Galicia séculos atrás así q pedimos tamén ser parte agora da provincia de Lugo pq se preocupan + de nós q a deputación de León. Recollen a basura ós luns e limpan algunhas veces+
— Cuwumelo🔻🐙 🌌✊🏿 #BTLM (@mvlberries) December 5, 2020
Até A Cruz, o noso límite con Galicia que está nada máis q 500 metros da miña aldea. Gracias por ler e definir significa moitísimo para min e para os meus.
— Cuwumelo🔻🐙 🌌✊🏿 #BTLM (@mvlberries) December 5, 2020
