InicioSociedadeA alcaldesa de Vilalba, sobre a orixe do gromo: "É difícil sabelo,...

A alcaldesa de Vilalba, sobre a orixe do gromo: “É difícil sabelo, pero puido ser por unha visita ao HULA”

Elba Veleiro expresa que "as familias están en grao de preocupación máxima", aínda que sinala que "moitos" dos positivos da residencia son asintomáticos.

PUBLICADA O

- Advertisement -

A alcaldesa de Vilalba, Elba Veleiro, remarca que é “difícil” dar coa raíz do gromo de COVID-19 da residencia de maiores desta localidade, intervida pola Xunta este xoves tras reportar 114 usuarios e 18 traballadores afectados. No entanto, deixa caer que “é posible que fose despois de acudir a unha consulta” ao Hospital Lucus Augusti (HULA), pero non un dos residentes, senón “alguén próximo”.

Aínda que a rexedora asegura que está “a investigarse”, insiste en que é “difícil” pescudar a orixe da avalancha de positivos, “por non dicir que é practicamente imposible”. Ademais, Veleiro confesa a súa “tristeza” e a “preocupación” de todo o municipio ante este gromo, xa que os anciáns son “un colectivo moi querido en Vilalba, pero moi vulnerable”. “As familias están en grao de preocupación máxima“, engade.

De feito, tal e como asegura, agora realízase un “seguimento” por parte das consellerías de Sanidade e de Política Social da Xunta, que “están a pór os medios necesarios para establecer os protocolos necesarios”.

Sobre a gravidade da situación, a alcaldesa constata que “moitos” dos positivos “son asintomáticos e pódeno superar con normalidade“. “Esperemos que chegue unha recuperación rápida e total, e que non deixe secuelas”, desexa.

O BNG PIDE EXPLICACIÓNS

Pola súa parte, o BNG esixirá explicacións á Xunta no Parlamento de Galicia polo gromo masivo e volverá reclamar a intervención de todos os centros privados de maiores para “garantir a seguridade” dos usuarios.

Así o avanzou nun comunicado a viceportavoz nacionalista, Olalla Rodil, quen considera “inadmisible” que o Goberno galego non actúe con carácter preventivo e non “blinde” as residencias privadas.

“Desde o BNG volvemos pedirlle á Xunta que interveña todas as residencias de maiores privadas para que non poida volver ocorrer o que vimos, non só en Vilalba, senón tamén en Salvaterra, en Ribadumia e noutros centros do país”, manifestou.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...