Uns 200 perruqueiros e esteticistas da provincia de Lugo concentráronse este martes ante a delegación de Facenda da cidade da muralla para reclamar unha rebaixa do IVE ao 10% que evita o peche de establecementos no contexto da pandemia.
A portavoz do colectivo, Ángeles Albeiro, pormenorizou que esta mobilización compete a “barbarías, salóns de estética e tamén barberías” de toda a provincia que este martes acudiron a Lugo para protestar respectando as medidas de seguridade.
Albeiros lembrou que “fai oito anos” o sector experimentou unha subida do 8 ao 21%, unha alza que “dicían que sería temporal”. “Desde fai oito anos levamos loitando e xa está ben, xa tocamos fondo”, manifestou. E é que, segundo indicou, a pandemia veu a “complicar” este escenario xa de seu difícil, “reducíndose” a facturación “ata un cincuenta por cento e nalgúns casos a moito máis”.
En Lugo son uns catrocentos negocios do sector, a maioría “autónomos” que “ou traballan sós ou teñen entre un e tres empregados de media”, o que suporía máis de mil persoas dedicadas a esta actividade na provincia.
