A área sanitaria Lugo-A Mariña-Monforte supera xa as cen persoas afectadas por coronavirus. En concreto son 104 persoas, cinco máis que o pasado venres día 14 de agosto.
Polo de agora non se rexistran casos en UCI. Si hai catro persoas hospitalizadas e 100 están en observación domiciliaria.
En total, a Área Sanitaria de Lugo rexistrou 29 falecementos pola COVID 19. Foron dadas de alta 1.250 persoas, o que sumado aos falecementos da un resultado de 1.383 casos en total.
RESIDENCIAS
No caso das residencias de maiores, os datos indican que non hai persoas afectadas entre usuarios. Pola contra si hai dúas persoas traballadoras destas residencias. En concreto unha na residencia San Bartolomeu de Xove e outra máis na residencia de Paradela.