A área sanitaria de Lugo presenta este xoves 18 un lixeiro ascenso nos casos activos de coronavirus. Segundo sanidade, son 18 positivos, un máis ca os contabilizados onte.
Porén, unha das persoas que ata onte estaba ingresada no HULA recibiu a alta hospitalaria, de modo que xa só resta un paciente con COVID-19 na planta do complexo lugués.
Agora, son 17 os pacientes baixo atención hospitalaria a domicilio e non hai cambios no reconto dos falecidos pola pandemia en Lugo (28).
GALICIA
Para o conxunto galego, a Consellería de Sanidade informa dun aumento de tres casos activos respecto do total do pasado mércores. Son 343 pacientes, dos cales seis permanecen hospitalizados (ningún nas Unidades de Coidados Intensivos).
O Sergas considera curadas un total de 10.506 persoas, mentres que anota 619 mortes. A última produciuse o 10 de xuño no Complexo Hospitalario Universitario de Vigo.
