InicioSociedadeO mercado de gando de Castro arrinca timidamente, con tan só 55...

O mercado de gando de Castro arrinca timidamente, con tan só 55 becerros no recinto

A actividade comercial foi practicamente "insignificante" en comparación co movemento de reses que adoitaba haber antes da pandemia. Con todo, confían en ir recuperando a normalidade "aos poucos".

PUBLICADA O

- Advertisement -

EFE | O mercado nacional de gando de Castro Ribeiras de Lea (Castro de Rei) volveu este mércores para abrir as súas portas, despois do parón provocado polo estado de alarma, pero a actividade comercial nesta primeira xornada foi practicamente “insignificante”, segundo informou a EFE o edil responsable do seu funcionamento, Roberto Lorenzo.

Só entraron no recinto feiral 55 tenreiros, cando o habitual antes da pandemia era que a oferta se movese cada mércores de mercado entre as 400 e as 500 cabezas de gando. Iso si, Lorenzo confirmou que todos os tenreiros que entraron no recinto lograron venderse. Moitos deles foron para os cebadeiros situados fóra da comunidade autónoma.

O concelleiro confía en que “aos poucos” o mercado de Castro vaia recuperando a súa actividade e lembrou “moitos dos operadores comerciais” que habitualmente están presentes neste recinto nin sequera “traballaron esta semana”.

Ademais, precisou que, a pesar do estado de alarma, “en datas pasadas movéronse moitos animais” directamente desde as explotacións gandeiras da Terra Chá, de modo que “non había unha gran carga de animais en reserva” para esta primeira xornada de mercado.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...