InicioSucesosXulgan en Lugo un garda civil por non perseguir un caso de...

Xulgan en Lugo un garda civil por non perseguir un caso de malos tratos

PUBLICADA O

- Advertisement -

A sección segunda da Audiencia Provincial de Lugo xulga os días 28 e 29 a un garda civil por un suposto delito de omisión do deber de perseguir delitos, neste caso un de malos tratos, segundo informa o Tribunal Superior de Xustiza de Galicia (TSXG).

Os feitos remóntanse a finais de 2009 e 2010 tras unha denuncia por malos tratos, indicando que o investigado, da Comandancia da Garda Civil de Lugo, “tiña coñecemento dos feitos e que non fixo nada”, engade no seu escrito o Ministerio Público.

En 2014, houbo sentenza firme da Audiencia de Lugo polos citados malos tratos, tendo lugar o último episodio en 2007. “O delito que se investiga nas presentes actuacións foi presumiblemente cometido durante o período en que se produciron os malos tratos, aínda que foi denunciado no ano 2009 e por iso antes da reforma operada pola Lei Orgánica 5/10”, apunta o Ministerio Público.

“O certo é que tras tomar declaración á denunciante e ao investigado no ano 2009 e 2010 e ata a formación da presente peza non consta a realización de actuación algunha relativa ao delito investigado”, engade o Ministerio Público que sostén, con todo, que “o prazo de prescrición marcado na lexislación vixente á data dos feitos transcorreu e procede declarar prescrito o posible delito”. Por este motivo, pide o arquivo da causa.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...