O número de casos activos de coronavirus na provincia de Lugo mantense practicamente estable con respecto ao pasado martes, segundo a estatística oficial ofrecida polo Servizo Galego de Saúde (Sergas). A Consellería de Sanidade contabiliza 566 positivos, tres máis ca o día 7. Ademais, segue a baixar a presión nos hospitais tras sumar quince altas.
Do total de casos activos, quince permanecen na UCI (os mesmos ca onte), 55 en hospitalización (-10) e os outros 496 no seu domicilio (+13).
O número de persoas falecidas mantense en 16, sen ningún pasamento no último día.
GALICIA
A nivel autonómico, o número de positivos en Galicia ascende a 5.460, só 25 máis ca os rexistrados onte. Polo de agora, en Galicia rexistráronse 800 altas de pacientes e 278 falecementos.
