A xuíza Pilar de Lara aproveitou a corentena para sacar o seu lado máis humorístico e musical, tal como amosa nas súas redes sociais. Cunha guitarra baixo do brazo, ela e mais o seu marido preséntanse como o Dúo Estático para cantar temas tan famosos como o ‘Resistiré’, “o himno do coñavirus”. 

A idea, din, non é outra que a de “arrincar sorrisos” nestes “tempos tan complicados” nos que nos mantemos illados por mor do coronavirus.

Non foi esa a única interpretación coa que a maxistrada deleitou o seu particular público. A ex titular do Xulgado de Instrución nº1 de Lugo. “O Dúo Estático ataca de novo“, publicaba este martes 17 de marzo. Desta volta, o repertorio traía unha canción de Mecano.