- Advertisement -
O Concello vilalbés decidiu suspender a XIII edición do FIV de Vilalba, programado para os días 24 e 25 de abril, debido á crise sanitaria derivada da pandemia do coronavirus.
Nun comunicado remitido aos medios, o Consistorio lamenta a cancelación desta “cita de referencia” dentro do circuíto de festivais a nivel estatal e que nesta edición contaba con artistas como Xoel López, Zahara, Ortiga, Novidades Carminha, Magical Colors e Begun DJ Set.
A organización explicou que o importe dos abonos xa adquiridos polo público será integramente reembolsado ao comprador pola mesmo canle pola que efectuou a súa compra. Ademais, no caso de dúbidas, os interesados poderán escribir un e-mail a ataquilla@afundacion.org.
