O programa de divulgación científica ‘Science Truck‘ celebrouse esta mañá no Centro de Investigación Aeroportada de Rozas co obxectivo de fomentar a curiosidade científica na mocidade. O evento, centrado na enseñería aeroespacial e aeronáutica, contou coa participación do ministro de Ciencia e Innovación, Pedro Duque, que afondou na súa experiencia como astronauta.
A través dunha videochamada, Duque lembroulles a uns douscentos estudantes de toda Galicia a importancia da tecnoloxía aeroespacial. Fíxoo nunha xornada de portas abertas organizada polo Polo Aeroespacial de Galicia coa colaboración da Axencia Galega de Innovación da Xunta de Galicia.
No encontro tamén estiveron presentes a subdelegada do Goberno, Isabel Rodríguez; a directora xeral da Fundación Española para a Ciencia e a Tecnoloxía, Paloma Domingo; e o conselleiro de Economía, Emprego e Industria, Francisco Conde. Javier Santaolalla e Rocío Vidal foron os encargados de conducir o evento, que foi seguida in situ por 180 alumnos de secundaria e que tamén se emitiu en directo polas redes sociais.
